Pype en elbow-joints en skroefdrade en thread en krane en ….
Dit kan mos nie so moeilik wees nie!? Ek bedoel, ek het micrometers wat die dikte van ‘n mens se haar in 1/100 kan meet. Pubiese hare miskein 1/80. en daai dun grys hare van oumense seker so 1/200.
Die water wat uit die kraan tap ruik nie altyd baie lekker nie en ander tye ruik dit na ‘n oormaat chloor. Ek gaan ‘belê’ toe mos vandag in ‘n hele moerse filter sisteem. En bogger die arbeid om die hele stel te installeer. Volgende week is te laat. Ek’t die sisteem vandag aangeskaf en wil vandag skoon water drink.
Natuurlik kort ek ‘n paar ‘fittings’ en goed, en kry dit sommer by die naaste hardewarewinkel. Die doos daar verstaan net mooi fokkol van my micrometer afmetings nie, en ek beduie maar woordeliks so goed as wat ek kan en stap nog ‘n honderd of wat rand armer daar uit.
By die huis aangekom, kan ek sommer sien my pype en hulle ‘fittings’ is nie maatjies nie. Haal toe sommer 6 biere uit die yskas. Die moet hier pas en die daar en oor die en in daai een in skroef. Maar dit wil nie. Selfs nie met geweld en brute krag nie. Drink bier en dink. Bekyk al die onderdele en dink en drink nog bier. Eet Simba chips vir midagete en drink nog bier. Niks wil pas nie.
Val dit my toe mos skielik by, as dit nie pas nie, dan pas dit nie. Punt. En party metale is sagter as ander. ‘n Mengsel van chemie en fisika en net twee fittings en 20 minute later, en ek tap die eerste glas silwerskoon water. Njammies. Alles werk perfek.
