Klipdrift & Cola
Klipdrift & Cola.
Toe die een uitgekom het, was ek maar skepties. Agterdogtig oor die “Cola”. Ek het gedink dit gaan dalk soos flou aanmaak koeldrank proe wat die hele brandewyn gaan opneuk.
Ek was aangenaam verras. Dit het goed geproe.
Nou onlangs het ek weer een gesluk. Sommer so uit die bottel is hy oraait, maar gooi hom oor baie ys in ‘n glas en dan proe hy soos nog.
Ek drink nooit brandewyn so skoon nie, ek ken nie eers iemand wat dit skoon drink nie. Gooi Coke by met ys en die knertsie loop mooi.
As ek gaan braai, vat ek gewoonlik meer as genoeg botteltjies Klippies & Cola saam, en die mense staan tou om een of meer te sluk. Die skoner geslag ook. Nie dat Klippies & Cola van brandewyn ‘n sissie-dop maak nie, ek dink net die vrouens hou net so baie van die smaak.
Op die botteltjie staan “The Original South African Mix” en dan ook “Classic Cola from the USA”. Ja wel, ons boere maak eerder biltong.
Teen 5.6% alkohol/volume is dit ook lekker sterk, maar mens moet in ag neem dat die botteltjie net 275ml bevat.
* Speel hide the sausage.